د معمار خبري اژانس د راپور له مخې، د طالبانو د معادنو او تیلو وزارت ویلي دي چې هدایتالله بدري، د دې وزارت وزیر، له عليرضا بیګدلي، د ایران سفیر سره په کابل کې لیدنه وکړه او د افغانستان د معادنو او معدني منابعو د پانګونې او اقتصادي همکارۍ د پراختیا په اړه خبرې وکړې.
د دې وزارت د خبرپاڼې له مخې، چې تېره شپه (۶ د جدی) خپره سوې، دواړو غاړو په دې لیدنه کې د دوهاړخیزو اقتصادي اړیکو د پیاوړتیا او په بېلابېلو برخو کې د همکارۍ د پراختیا، په ځانګړي توګه د افغانستان په معدني منابعو کې د پانګونې په اړه نظریات شریک کړل.
په دې لیدنه کې، د ایران سفیر په کابل کې د ایرانی شرکتونو د پانګونې په برخه کې د افغانستان د اوسپنې او تیلو په معادنو کې د علاقهمندۍ خبر ورکړ.
هدایتالله بدري هم د ایرانیو شرکتونو د پانګونې هرکلی وکړ او پر دې یې ټینګار وکړ چې باید د ګډو همکاريو زمینه برابره سي.
همدارنګه، د ایران سفارت په کابل کې هم د خبرپاڼې په خپرولو تأیید کړې چې عليرضا بیګدلي د طالبانو د معادنو او تیلو وزیر سره په لیدنه کې د معادنو او تیلو په برخه کې د دوهاړخیزو همکاريو په اړه خبرې وکړې.
