ایران او افغانستان د نوي سوداګریز دهلېز پر پرانیستلو موافقه وکړه

کابل ته د ایراني پلاوي سفر په ترڅ، د ایران د پارلمان یوه غړي د ایران او طالبانو ترمنځ د ایران، افغانستان او ترکیې ترمنځ د سوداګرۍ د نوي دهلیز د جوړولو لپاره د یوې موافقې اعلان وکړ. دا دهلېز په ځانګړي ډول د افغانستان د معدني محصولاتو د لېږد لپاره دی او د سیمې هېوادونو، په ځانګړې توګه ایران او افغانستان لپاره نوي اقتصادي امکانات برابروي. د معمار پرس د خبر له مخې؛ د ایران د صنعت او کانونو د کمیسیون او د پارلمان غړي امیر توکلي رودي په مشرۍ یوه ایراني پلاوي کابل ته د سفر په جریان کې او له طالبانو سره د خبرو اترو وروسته د نوي سوداګریز دهلیز د پیلولو لپاره د یوې موافقې اعلان وکړ. دا دهلېز، چې د افغانستان د معدني محصولاتو د لېږد لارې په توګه پیژندل کیږي، له ایران څخه به ترکیې او افغانستان ته وغځیږي.