د افغانستان د کانونو په سکتور کې ۲۱۳ میلیارده افغانۍ پانګونه شوې

د معمار پرس د خبر له مخې؛ د طالبانو د کانونو او پټرولیم وزارت د ۲۱۳ میلیارده افغانیو په ارزښت ۹ لوی کانونه کورنیو او بهرنیو شرکتونو ته سپارلي دي. دغه وزارت په دوام وویل چې دغه اقدام په افغانستان کې د اقتصادي ودې او د پانګونې د جذب له مخې شوی دی. د طالبانو د کانونو او پټرولیم وزارت اعلان وکړ چې د ۲۱۳ میلیارده افغانیو په ارزښت د ۹ لویو کانونو قراردادونه یې کورنیو او بهرنیو شرکتونو ته ورکړي دي. په دغو کانونو کې سمنټ، مالګه، روبي، باریت او نور منرالونه شامل دي. یو شمېر اقتصادي کارپوهان په دې باور دي چې د افغانستان د کانونو پراختیا د هېواد له اقتصادي وضعیت سره مرسته کولای شي.