له ایران څخه افغانستان ته وارداتي برېښنا پرې شوې

د معمار پرس د خبر له مخې؛ د دغه شرکت ویاند حکمت الله میوندي د یکشنبې په ورځ «د قوس ۱۸مه» په خپله ایکس پاڼه کې لیکلي، چې دغه ستونزه په ایران کې رامنځ ته شوې ده. میوندي څرګنده کړه، دواړه لوري هڅه کوي چې ډېر ژر د ایران وارداتي برېښنا ونښلوي. د يادونې وړ ده، چې هرات ولايت د خپلې برېښنا ډېره برخه له ايران څخه اخلي. دا په داسې حال کې ده، چې تېره اونۍ له ترکمنستان څخه وارد شوې برېښنا په هرات ولایت کې د سړې هوا له امله پرې شوې وه.