د متحده عربي اماراتو له خوا په افغانستان کې د زېږون ۱۰ روغتونونه پرانیستل شول

د معمار پرس د خبر له مخې؛ د متحده عربي اماراتو د بهرنیو چارو وزارت د یوې خبرپاڼې په خپرولو سره اعلان کړی چې د افغانستان په اوو ولایتونو کې د زیږون ۱۰ مرکزونه پرانیستل شوي دي. د دې خبرپاڼې له مخې، دوه مرکزونه په هرات، کندهار او پکتيا ولايتونو کې او نور مرکزونه په جلال اباد، هلمند، پکتيکا او مزارشريف کې فعاليت پيل کړي دي. د بیانیې په دوام کې ټینګار شوی، چې دغه اقدام د پراختیا په بېلابېلو برخو په تېره بیا د روغتیا په برخه کې د بنسټیزو تاسیساتو د ښه والي په هدف ترسره شوی دی.