د افغانستان د اقتصاد لپاره د چابهار بندر پر اهمیت ټینګار

د معمار پرس د خبر له مخې؛ په دې ناسته کې ټولو ګډونوالو ټینګار وکړ چې د چابهار بندر د افغانستان د اقتصادي ودې لپاره خورا مهم دی. دغه مهمه غونډه په هند کې جوړه شوې وه او د هند، ایران، ازبکستان او افغانستان د سوداګرۍ خونې استازو په کې ګډون کړی و. د غونډې اصلي موضوع د چابهار بندر د یوې نوې سوداګریزې لارې په توګه د منځنۍ اسیا د نښلولو او د سیمې د هېوادونو ترمنځ د سوداګریزو اړیکو د پیاوړتیا پر څرنګوالي و.