د طالبانو د لومړي وزیر مرستیال: موږ د وچې مېوې سوداګرو ته لازمې اسانتیاوې برابروو

د معمار پرس د خبر له مخې: د طالبانو د لومړي وزير سياسي مرستيال مولوي عبدالکبير د وچې مېوې له يو شمېر سوداګرو سره په ليدنه کې وويل: دغې ډلې ته به د حکومت د تګلارې له مخې ځمکې ځانګړې شي او لازمې اسانتیاوې به ورته برابرې شي. د طالبانو د لومړي وزیر مرستیال همداراز زیاته کړه، چې د وچې مېوې د سوداګرو د ستونزو د حل په موخه به له هندي چارواکو سره د ویزو د ورکړې په برخه کې د ستونزو د حل په موخه خبرې وکړي. مولوي عبدالکبير له ګاونډيو هېوادونو هم وغوښتل، چې د دوه اړخيزې سوداګرۍ د ودې لپاره دې افغان سوداګرو ته لازمې اسانتياوې برابرې کړي.