ملګرو ملتونو له پاکستان څخه د افغان کډوالو د ایستلو په اړه توضیحات غوښتی دی

د معمار پرس د خبر له مخې؛ د ملګرو ملتونو د کډوالو عالي کمیشنرۍ (UNHCR) او د کډوالۍ نړیوال سازمان (IOM) د پاکستان له حکومت څخه غوښتي چې توضیحات ورکړي چې د پاکستان (اسلام آباد او راولپنډۍ) څخه د افغان کډوالو د ایستلو پلان به څنګه او کله پلي شي. پاکستاني رسنیو راپور ورکړی چې د پاکستان حکومت د دواړو ښارونو څخه د افغان کډوالو د تدریجي ایستلو پلان نهایی کړی دی. دا پریکړه د پاکستان د صدراعظم شهباز شریف او د دغه هیواد د پوځ د مشر عاصم منیر له خوا وشوه. د دې پلان له مخې، په لومړي پړاو کې، هغه کډوال چې د ACC کارتونه لري له اسلام آباد او راولپنډۍ څخه به وشړل شي، او بیا به هغه کسان چې د استوګنې اسناد نلري هم بیرته راستانه شي.