په یوه ترهګریز برید کې د دوو مشهورو ایراني قاضیانو وژنه

ایراني رسنیو نن، د شنبې په ورځ، د جدي ۲۹مه، راپور ورکړ چې د ایران په پلازمېنه تهران کې د سترې محکمې د ودانۍ مخې ته د ایران د قضايي قوې دوه مشهور قاضیان په ډزو ویشتل شوي دي. د معمار پرس د خبر له مخې؛ په دې ترهګریز برید کې چې نن سهار، د شنبې په ورځ (د جدي ۲۹مه) د ایران د قضایي ماڼۍ مخې ته وشو، د دې قضایي ادارې دوه مشهور قاضیان ووژل شول. د ایراني رسنیو او راپورونو له مخې، بریدګر له ډزو وروسته ځان وژنه کړې ده. د ایران امنیتي چارواکو اعلان کړی چې د دې ترهګریز برید تر شا د کسانو د پیژندلو او نیولو لپاره جدي پلټنې پیل شوي دي.