د تهران والي: خپل هیواد ته د غیر قانوني مهاجرینو د ستنیدو لپاره لازمې اسانتیاوې برابرې شوې دي

د ایران د پلازمینې تهران ولایت والي محسن معتمدیان په یوه مرکه کې د غیرقانوني اتباعو د بیرته ستنیدو لپاره نوي پلانونه اعلان کړل. د تهران والي وویل هغه بهرني اتباع چې په غیر قانوني توګه تهران ته داخل شوي د خاواران د راستنیدو د مرکز له لارې بیرته ستنیدلای شي. معتمدیان زیاته کړه: د دغه مرکز زیربنا په بشپړه توګه بشپړه شوې ده او له افغانستان سره د ایران د اسلامي جمهوریت د رسمي پولو له لارې د مهاجرینو لپاره ممکنه ده چې خپل هیواد ته ستانه شي. هغه ټینګار وکړ، چې د دغو کسانو لپاره لازمې اسانتیاوې برابرې شوې دي، څو په لنډ ممکن وخت کې له کومې ستونزې پرته خپل هېواد ته ستانه شي.