کاظمي قمي: د مسکو غونډه د افغانستان د ثبات او رغوني لپاره یو ګام دی

د افغانستان په چارو کښې د ایران د ولسمشر ځانګړی استازی حسن کاظمی قمی د ماسکو د غونډې په اهمیت باندې په تاکید سره دغه غونډه له ترهګرۍ سره د مبارزې او له افغانستان سره د مرستې لپاره د سیمه ایزو نوښتونو د رامینځته کولو او د مهاجرت د سیلاب د مخنیوی لپاره د لازمو شرایطو د رامنځته کولو په لړ کښې وبلله. د افغانستان په چارو کې د ولسمشر ځانګړي استازي د مسکو د شپږمې فورمې غونډې ترسره کېدو ته په اشارې سره په مسکو کې د لسو هېوادونو د استازو او د افغانستان د سرپرست حکومت د بهرنیو چارو وزیر په حضور کې د افغانستان د وضعیت د ښه والي لپاره د سیمه ییزو همکاریو پر اهمیت ټینګار وکړ. کاظمی قمی وویل: مهمه مسله چې شتون لری هغه دا ده چې په نړیوالو ډګرونو کښې له پرمختګونو سره سره په تیره بیا د فلسطین او لبنان مسله د افغانستان مسله په سیمه ایز ډګر کښې د یوې مهمې موضوع په توګه شتون لری.