د امریکا د سفارت شارژدافیر د افغان نجونو پر ملاتړ ټینګار وکړ

د معمار پرس د خبر له مخې: دا خبره په افغانستان کې د امریکا د سفارت شارژدافیر کیرن ډیکر کوي چی متحده ایالات په نه ستړي کیدونکي توګه د هغو افغان نجونو ملاتړ کوي چې د زده کړې او اساسي آزادیو په وړاندې له خنډونو سره مخامخ دي. پرون (جمعه د میزان ۲۰مه) د نجونو د نړیوالې ورځې په مناسبت، کارن ډیکر په خپله ایکس پاڼه کې لیکلي چې هره ورځ افغان نجونې د زده کړې، ودې، کار او پرمختګ لپاره د فرصتونو مستحق ګرځي. مېرمن ډیکر زیاته کړه چې د دغو نجونو له ونډې پرته د افغانستان راتلونکی تضمین نه دی.