متقي او پاکستاني پلاوي د سوداګریزو، ټرانزیټي او اقتصادي ستونزو پر حل او ګډو اقداماتو ټینګار وکړ

د معمار پرس د خبر له مخې؛ د طالبانو د بهرنیو چارو وزارت سرپرست امیرخان متقی د پاکستان د سوداګرۍ وزارت له مرستیال محمد خرم اغا سره چې د یوه پلاوي په مشرۍ کابل ته راغلی وو، په یوه لیدنه کې اعلان وکړ چی د دواړو هېوادونو ترمنځ د شته سوداګريزو او ترانزيتي ستونزو د حل لپاره بايد ګډ او صادقانه تدبيرونه ونيول شي. د طالبانو د بهرنیو چارو وزارت د ویاند مرستیال ویلي، چې د دې ناستې په پیل کې ښاغلي متقي “د دواړو هېوادونو ترمنځ پر ستونزو او د هغو د حل په لارو چارو تفصیلي خبرې وکړې.”