طالبان: سوداګریز مرکزونه باید بهرنۍ ژبې ونه کاروي

د معمار پرس د خبر له مخې؛ له دولتي بنسټونو د فارسي کلمو له لرې کولو وروسته د طالبانو د بورډونو، نښو او اعلانونو د اصلاح کمیسیون امر وکړ چې سوداګریز مرکزونه هم له خپلو تختو څخه بهرنۍ کلمې لرې کړي. د دې کمیسیون موخه دا ده چې د بورډونو څخه غیرشرعي انځورونه لرې کړي. طالبانو په تېرو دوو کلونو کې په څو قضیو کې د تعلیمي او علمي بنسټونو او ځینو اداري مرکزونو له عنوانونو څخه فارسي کلمې لرې کړي دي.