په تاجکستان کې د افغانستان سفیر او په دوشنبه کې د اروپايي ټولنې استازي ترمنځ ډیپلوماتیکې مشورې

په تاجکستان کې د افغانستان سفیر محمد ظاهر اغبر د سې شنبې په ماښام (د دلو ۱۶مه) د افغانستان لپاره د اروپايي ټولنې له ځانګړي استازي توماس نیکولسن سره وکتل او د افغانستان د روانو پرمختګونو او سیمه ییزو مسلو په اړه بحث او نظرونه تبادله کړل. ظاهر اغبر د خپلې فیسبوک پاڼې په یوه پیغام کې د غونډې اعلان وکړ او ویې ویل: په دې خبرو اترو کې د سیاست، اقتصاد، امنیت او سیمه ییزو ننګونو په ګډون په مختلفو موضوعاتو بحث وشو. خو د دې مشورې د پایلو په اړه نور جزئیات نه دي خپاره شوي. تر دې مخکې د تاجکستان د بهرنیو چارو وزارت هم د دغه هېواد د بهرنیو چارو وزیر سراج الدین محرم الدین او توماس نیکولسن ترمنځ د لیدنې اعلان کړی و.