د ایران سفیر او د طالبانو د صنعت وزیر د سوداګرۍ او اقتصادي اړیکو د پراختیا په اړه خبرې وکړې

د معمار پرس د خبر له مخې؛ په کابل کې د ایران د اسلامي جمهوریت سفیر علي رضا بیکدلي نن د طالبانو د صنعت او سوداګرۍ وزیر نورالدین عزیزي سره وکتل او د دواړو هېوادونو ترمنځ یې د سوداګریزو او اقتصادي اړیکو د پراختیا په اړه خبرې وکړې. په دې غونډه کې، چې موخه یې د ایران او افغانستان ترمنځ د سوداګرۍ زیاتوالی او د اقتصادي اړیکو پیاوړتیا وه، په مختلفو موضوعاتو بحث وشو. دواړو خواوو د دواړو هېوادونو ترمنځ د سوداګرۍ د زیاتوالي په وړاندې د خنډونو په لرې کولو او د اقتصادي همکارۍ د اسانتیا لپاره د ډیرو غونډو په جوړولو هم ټینګار وکړ.