یوناما په افغانستان کې د سواد او زده کړې پر اړتیا ټینګار وکړ

د معمار پرس د خبر له مخې؛ په افغانستان کې د ملګرو ملتونو د سرمنشي ځانګړې استازې او د یوناما د دفتر مشرې روزا اوتونبایوا د طالبانو د کلتور وزارت له مرستیال عتیق الله عزیزي سره وکتل. هغه د دې په ټینګار سره چې سواد په افغانستان کې یوه مهمه او حیاتي موضوع ده، په افغانستان کې د لوستلو د ودې لپاره د ملي کمپاین د پیل اعلان وکړ. په دې ناسته کې د ملګرو ملتونو استازي په افغانستان کې د پوهنې او سواد زده کړې پر رول ټینګار وکړ. هغه زیاته کړه چې په افغانستان کې تر پنځو میلیونو ډېر ماشومان زده کړو ته لاسرسی نه لري.