ملګري ملتونه: د نړیوالو مالي مرستو په بندیدو سره به د افغانستان کړکېچ لا پسې زیات شي

د معمار پرس د خبر له مخې؛ د ملګرو ملتونو د بشري چارو د همغږۍ دفتر (OCHA) د چهارشنبې په ورځ، د دلو په ۱۷مه، په یوه مطبوعاتي اعلامیه کې اعلان وکړ چې د نړیوالو مالي مرستو له ځنډولو وروسته د افغانستان کړکېچ لا پسې زیاتېږي. اوچا په خپل راپور کې ویلي چې د مرستو بندیدو سره به په افغانستان کې له نهه ملیون څخه ډیر خلک روغتیايي خدماتو ته له لاسرسي څخه بې برخې شي. د راپور له مخې، له ۶۰۰ څخه زیاتو ګرځنده روغتیايي ټیمونو، د کورنیو روغتیايي کورونو او د مشورې مرکزونو خپل فعالیتونه بند کړي دي. دې وضعیت په افغانستان کې د ناروغیو له امله د مړینې د زیاتوالي او د روغتیايي ستونزو په اړه جدي اندیښنې راپورته کړې دي