مولوي عبدالکبیر د پاکستان له سفیر سره په کتنه کې؛ د افغانستان حکومت له خپلو ټولو ګاونډیانو سره ښې اړیکې غواړي

مولوي عبدالکبير په دې کتنه کې وويل چې دواړه خواوې بايد په سيمه ييز ترانزيت او ځينو نورو اقتصادي برخو کې خپلې اړيکې پراخې کړي. نوموړي دغه راز افغانانو ته د پاکستان د ویزو د ورکړې، په پاکستان کې د مېشتو کډوالو د ستونزو د حل او په تورخم او سپین بولدک کې د تګ راتګ لپاره د لا زیاتو اسانتیاوو د رامنځته کولو غوښتنه وکړه.