سرحدي جګړه؛ شهباز شریف له طالبانو وغوښتل چې د دا ډول پېښو د تکرار مخه ونیسي

د پاکستان لومړي وزیر شهباز شریف د سپین بولدک په پوله د طالبانو او د دغه هیواد د پوځ تر منځ په نښته کې د یو شمیر پاکستاني اتباعو وژل او ټپي کیدل غندلي دي. بل خوا د افغانستان لپاره د پاکستان ځانګړی استازی محمد صادق وايي، د چمن په سیمه کې پر ملکي سیمو د طالبانو په ډزو کې شپږ پاکستاني اتباع وژل شوي او ۱۷ نور ټپیان شوي دي. خو طالبان بيا وايي چې په دې جګړه کې د دوى يو تن وژل شوى او د درېيو ملکيانو په ګډون ١٣ نور ټپيان شوي دي.