د معمار خبري اژانس د راپور له مخې، عباس حیدری ، د افغانستان د فوټسال د ملي لوبډلې لوبغاړی ، د ایران د فوټسال د غوره لیګ د نوي فصل د ګډون لپاره د «نګین تندیس قرچک» لوبډلې سره یوځای سوو.
د ورزشي رسنیو د راپورونو له مخې، حیدری د یو کلن تړون په لاسلیک سره په رسمي ډول د دې لوبډلې د لوبغاړو په ډله کې شامل سوو.
نګین تندیس قرچک، چې په دې وروستیو کې یې د «عرشیا آذربایجان ښار قدس» د ټیم امتیاز اخیستی او د ایران د فوټسال غوره لیګ ته د ګډون جواز یې ترلاسه کړی، په راتلونکي فصل کې به د دې سیالیو د تهران ولایت یوازینی استازی ټیم وي.
د عباس حیدری دې لوبډلې ته ورګډېدل د افغانستان د فوټسال د لوبغاړو د ایران د معتبرو لیګونو په لړۍ کې د دوام یو نوی ګام بلل کېږي؛ داسې حضور چې په وروستیو کلونو کې یې د افغان لوبغاړو د تجربې او مهارت په لوړولو کې مهم رول لوبولی دی.
