د فوټبال نړيوال فدراسيون – فیفا راپور ورکړی دی چي د افغانستان د فوټسال ملي لوبډلې د فوټسال په وروستي نړيوالي درجهبندۍ کي د اوو پړاوونو په لوړوالي سره د نړۍ په ۲۱م مقام او د اسيا په ۵م مقام کي ځای نيولی دی.
د فیفا د خپري سوي درجهبندۍ له مخي، د افغانستان د فوټسال ملي لوبډله د ۱١۹۴.۶٨ امتيازونو په ترلاسه کولو سره د نړۍ په ۲۱م مقام کي راغلې ده. د افغانستان د فوټسال ملي لوبډلې تر دې مخکي د نړۍ په ۲۸م مقام کې ځای درلود .
دا لوی او تاريخي پرمختګ په وروستيو کلونو کي د افغانستان د فوټسال د پرلهپسې پرمختګ څرګندونه کوي.
کارپوهان وايي چي د افغانستان او نژدې لوبډلو لکه ويتنام، ازبکستان او عراق تر منځ واټن ډېر کم دی او د دې مقام ساتل دوامداره هڅو او چمتووالي ته اړتيا لري.
