د افغانستان ملي لوبغاړو د چهارشنبې په ورځ په دې سیالیو کې خپل ځلانده فعالیت ښکاره کړ او وتوانېدل چې روسیې ته د بشپړ ۵ پر صفر ماته ورکړي.
د افغانستان لوبډلي مخکې په خپل لومړي سیالۍ کې هم د مجارستان لوبډلي ته ماتې ورکړې وه، او د دوو پرلهپسې بریاوو سره یې په جدول کې ښه ځای ترلاسه کړی دی.
د افغانستان ملي لوبغاړي به په خپل درېیم ګروپي سیالۍ کې د مغولستان لوبډلي سره مخ سي.
د بزکشي نړیوالې سیالۍ د قزاقستان په ترکستان ښار کې ترسره کېږي، او پکښې د افغانستان، قزاقستان، مغولستان، روسیه، چین، تاجیکستان، ازبیکستان، مجارستان او ترکیې لوبډلې ګډون کوي.
