اکبر کاظمي، د افغانستان د فوتسال ستوری، د ایران د غوره لیګ لوبډلې سره یوځای سو

د معمار خبري آژانس د راپور له مخې؛ اکبر کاظمي، د افغانستان پېژندل سوی لوبغاړی او ستوری، اعلان وکړ چې د ایران د سن‌ایچ ساوه لوبډلې سره یې په غوره لیګ کې موافقه کړې ده. کاظمي په خپل ریکارډ کې داسې عنوانونه لري لکه د کال غوره لوبغاړی، د ګولونو اتل او د افغانستان د غوره لیګ غوره لوبغاړی، او د ګیتي‌پسند اصفهان او صداقت کابل لوبډلو سره یې د ایران او افغانستان د غوره لیګ قهرمانی تجربه کړې ده. هغه همدارنګه د افغانستان د فوتسال د کال د غوره ګول جایزه ترلاسه کړې او د افغانستان د فوتسال د اغېزناکو لوبغاړو له ډلې ګڼل کېږي. سن‌ایچ ساوه لوبډله اوس مهال د ایران د لوړ لیګ په جدول کې له ۱۰ لوبو وروسته د ۱۴ امتیازونو سره په اووم ځای کې ده، او د کاظمي شتون کولی سي د دې ټیم لپاره د پام وړ پیاوړتیا راوړي.