د معمار خبري اژانس، د افغانستان او نړۍ وروستي خبرونه
د افغانستان او نړۍ وروستي خبرونه؛ د نن ورځې د افغان خبرونو لنډیز په معمار خبري اژانس کې ولولئ
اخبارد افغانستان خبرونه روز افغانستان
عطاالله ترار، د پاکستان د اطلاعاتو وزیر، ویلي چې طالبان نه یوازې د کورني مشروعیت څخه بېبرخې دي، بلکې اوس د سیمې د امنیت لپاره په یوه جدي ګواښ بدل سوي دي.
ډونالډ ټرمپ، د افغانستان او پاکستان ترمنځ د وروستیو ترینګلتیاوو په غبرګون کې ویلي چې د دواړو هېوادونو ترمنځ د نښتو په اړه خبر دی او چمتو دی د جګړې د پای ته رسولو لپاره منځګړیتوب وکړي.
امیرخان متقي، د طالبانو د بهرنیو چارو وزیر، د هند د سفر پر مهال وویل چې د انجونو زدهکړه په افغانستان کې حرامه نه ده او طالبان هڅه کوي چې د شریعت له اصولو سره سمون ورکړي.
اسحاق دار، د طالبانو د سرحدي بریدونو په غبرګون کې دا کړنې «تحریکوونکې او بېدلیله» وبللې او څرګنده یې کړه چې اسلامآباد د متقابلو بریدونو له لارې د «ترهګرو» مرکزونه د افغانستان په خاوره کې په نښه کړي.
ځايي سرچینې د طالبانو او پاکستاني ځواکونو ترمنځ د جګړو د بیا پيلېدو خبر ورکوي.
د طالبانو ویاند ویلي چې ددې ډلې جنګیالیو د پاکستان ۲۵ سرحدي پوستې تر خپلې ولکې لاندې راوستې او د هغوی وسایل یې تر لاسه کړي، خو د قطر او سعودي عربستان د غوښتنې په خاطر جګړه ودروله.
د کابل د سرو زرو اتحادیې د سرو زرو بیه نن، دوشنبه، د میزان21 اعلان شوه
د طالبانو د کډوالو او راستنېدونکو چارو وزیر څرګنده کړه چې هغه افغان کډوال چې په بهر کې ژوند کوي یا تازه هیواد ته راستانه سوي، د خپل دین د ساتنې لپاره یې مهاجرت کړی دی.
خواجه محمد آصف، د پاکستان دفاع وزیر، ویلي چې هغه افغان کډوال چې لا هم د پاکستان په خاوره کې پاتې دي، باید خپل هېواد ته ستانه سي.
د افغانستان قونسلګرۍ اعلان وکړ چې د دیپلوماتیکو خبرو اترو له پایلو وروسته، هغه افغان مهاجرین چې په ایران کې مېشت دي او د سرشمېرنې پاڼه لري، کولای سي د حج ته تلو او بېرته راستنېدو جواز ترلاسه کړي.
۸۱۰ کډوالی کورنۍ پرون د ننګرهار د تورخم، د قندهار د سپین بولدک، د نیمروز د پل ابریشم او د هرات د اسلامقلعه له پولو څخه افغانستان ته بېرته راګرځیدلې دي.
د کډوالو د ستونزو د حل عالي کمیسیون راپور ورکړی چې په تېره یوه ورځ کې ۹۶۳ کډوالې کورنۍ د رسمي پولو له لارې افغانستان ته راګرځیدلې دي.
رسنیو د کډوالو وزارت په حواله خبر ورکړی چې په تېره یوه ورځ کې ۹۱۰ کډوالې کورنۍ له پاکستان او ایران څخه د تورخم، سپینبولدک، اسلامقلعه او نورو پولو څخه افغانستان ته بېرته ستنې سوي دي.
ریچارد بنت، د رواني روغتیا نړیوالې ورځې په مناسبت ویلي چې افغانستان له يو پراخ رواني روغتيايي بحران سره مخ دی او غوښتنه یې کړې چې د رواني ملاتړ خدمتونو ته، په ځانګړي ډول د افغان ښځو او انجونو لپاره، جدي پاملرنه وسي.
د طالبانو د مخابراتو او معلوماتي ټکنالوژۍ وزارت تأیید کړې چې په افغانستان کې د ټولنیزو شبکو ځینې محتواوې فلټر سوې دي؛ د راپورونو له مخې، له پرون راهیسې د فېسبوک، انسټاګرام او سنیپچټ کارونه له خنډ سره مخ سوې دي.
د اسلامي مرستو سازمان د ژمي د رارسېدو په درشل کې اعلان کړی چې د افغانستان د ختیځ ۹۰ سلنه زلزلهځپلي لا هم مناسبه سرپناه نهلري او په خلاصه فضا کې لاندې ژوند کوي.
د افغانستان د فوټبال ملي لوبډله به د سهشنبې په ورځ، د میزان په ۲۲مه، د ۲۰۲۷ د آسیا ملتونو جام د مقدماتي سیالیو په لړ کې په کویټ ښار کې له پاکستان سره لوبه وکړي.
علي بلال، د افغانستان ویاړلی ورزشکار، د برېتانیا له رایان ټري سره په نږدې او سختو سیالیو کې، د مستر المپیا ۲۰۲۵ د نارینهوو د فزیک په برخه کې دوهم مقام خپل کړ.
بسمالله مرداني، د افغانستان یو زړور او استعدادمن ورزشکار، وتوانېد چې د فنلنډ د بدنسازۍ په نړیوالو سیالیو کې دوه طلایي مډالونه ترلاسه کړي او یو ځل بیا یې د افغانستان نوم په نړیوالو ورزشي ډګرونو کې ځلانده کړي.
د تېرو څلورو کلونو تجربې ښودلې چې طالبان د شریعت له نومه د سیاسي او ایډیولوژیک سپر په توګه کار اخلي، څو له ټولنیز ژوند څخه د ښځو د له منځه وړلو پالیسۍ ته دیني رنګ ورکړي. دوی تراوسه نه د ښوونځیو د بیا پرانیستلو لپاره کومه واضحه طرحه وړاندې کړې، نه یې د «شریعت اصولو» په اړه د تعلیم په برخه کې روښانه تعریف ورکړی.
لغمان کې ځایې سرچینې وایي چې د طالبانو د امر بالمعروف کارکوونکو د دغه ولایت خبریالان اړ کړي چې ږیره پرېږدي، پنځه وخته لمونځ وکړي او خپلې رسنیزې خپرونې د دې ډلې د قوانینو سره سم تنظیم کړي.
د افغانستان پخواني ولسمشر حامد کرزي د فلسطین د دولت د په رسمیت پیژندلو او په غزه کې د اوربند د پریکړې ملاتړ یو پیغام خپور کړ.
