په غزني ولایت کې د طالبانو امنیه قومنداني اعلان کړی چې د دې ولایت په مرکز کې د جګړې د پاتې سوې یوې مرمۍ د چاودنې له امله یو ماشوم وژل سوی او دوه نور کسان ټپیان سوي دي.
د دغې قوماندانۍ د خپرې سوې خبرپاڼې له مخې، دا پېښه د یکشنبې په ورځ، د جوزا په ۲۴مه، له غرمې وروسته د غزني ښار د درېیمې حوزې په مربوطاتو کې رامنځته سوې ده.
په خبرپاڼه کې راغلي چې یو شمېر ماشومانو د یوې ناچاودېدلې مرمۍ سره لوبې کولې چې دغه مهمات وچاودېدل. د دې چاودنې په نتیجه کې یو ماشوم خپل ژوند له لاسه ورکړ او دوه نور ټپیان سول.
سیمهییزو چارواکو د ټپیانو د روغتیايي وضعیت او د قربانیانو د هویت په اړه نور جزئیات نه دي ورکړي.
