د معمار خبري اژانس د راپور له مخې؛ په غور ولایت کې سیمهییزو سرچینو د دې ولایت تیوره ولسوالۍ ته د طالبانو پر ضد د ولسي اعتراضونو د پراخېدو خبر ورکړی دی.
د دغو سرچینو په وینا، تېره شپه د تیوره ولسوالۍ یو شمېر اوسېدونکو د طالبانو د کړنو په اعتراض کې لاریون کړی وو. د ترلاسه سویو راپورونو له مخې، طالبانو د دې اعتراضونو د کنټرول لپاره له جنوبي ولایتونو څخه دې ولسوالۍ ته یوه نظامي قطعه لېږلې وه.
سیمهییزې سرچینې ادعا کوي چې د طالبانو ځواکونو د لاریون د تیتولو لپاره له وسلو کار اخیستی، چې په پایله کې یې یو کس وژل سوی او څلور تنه نور چې عزتالله، عبدالبصیر، غلامیحیی او نوراحمد نومېږي ټپیان سوي دي.
په همدې حال کې، سیمهییزې سرچینې په غور ولایت کې د عامه نارضایتۍ د زیاتېدو خبر ورکوي او وایي چې د دې ولایت فضا خورا کړکېچنه سوې ده. د هغوی په وینا، ټاکل سوې چې نن په غور کې د هرات ولایت د اعتراضونو سره هممهاله پراخ لاریونونه ترسره سي.
ځینې سیمهییزې سرچینې هم ادعا کوي چې د دې اعتراضونو لومړنی پیل وروسته له هغه وسوو چې په تیوره ولسوالۍ کې یو طالب غړی پر یوې انجلۍ د جنسي تېري پر تور تورن سوی وو. خو دا ادعا تر اوسه د خپلواکو سرچینو لخوا نه ده تایید سوې او هېڅ رسمي بنسټ هم په دې اړه څه نه دي ویلي.
