د معمار خبري اژانس د راپور له مخي ؛ د هرات ولايت په پوهنتون کې خبري سرچينو رسنيو ته ويلي دي چي د طالبانو د امر بالمعروف محتسبان پوهنتون ته داخل سوي او شاوخوا ۲۰ محصلين يې نيولي دي.
د دغو سرچينو په وينا، د دې محصلينو د نيولو لامل د «خولۍ نه درلودل او د ږيري لنډوالی» بلل سوی دی.
تر اوسه طالبانو په دې اړه په رسمي ډول څه نه دي ويلي.
دا پېښه په داسې حال کي رامنځته سوې ده چي طالبانو په دي وروستيو کې د هېواد په پوهنتونونو کي د محصلينو لپاره نوي د جامو اغوستلو مقررات وضع کړي دي. د دې لارښوونو له مخي، محصلين اړ دي چي خولۍ پر سر کړي او ږيره پرېږدي.
