د معمار خبري اژانس د راپور له مخې؛ په افغانستان کې د ایران د اسلامي جمهوریت سفارت کابل ته د ایران د اسلامي جمهوریت د بهرنیو چارو وزارت د قونسلۍ، پارلماني چارو او ایرانیانو د مرستیال ، وحید جلالزاده د سفر خبر ورکړی دی.
د ایران د سفارت د اعلان له مخې، جلالزاده د دوشنبې په ورځ کابل ته رسېدلی دی، څو د ایران او افغانستان د قونسلۍ ګډ کمېسیون په پنځمه غونډه کې ګډون وکړي او د طالبانو د سرپرست حکومت له چارواکو سره لیدنه وکړي.
په کابل کې د ایران سفارت اعلان کړی چې د دغه سفر پر مهال به د قونسلۍ همکاریو، د وګړو ترمنځ اړیکو، امنیتي موضوعاتو او د دواړو هېوادونو ترمنځ د سوداګریزو همکاریو د پراختیا په اړه خبرې او څېړنې وسي.
په کابل کې د ایران د اسلامي جمهوریت د سفارت په وینا، د ایران د بهرنیو چارو وزارت د قونسلۍ مرستیال سفر د قونسلۍ همکاریو د پراختیا او د دواړو هېوادونو د وګړو اړوندو موضوعاتو ته د رسېدنې په موخه ترسره سوی دی.
