هندي رسنیو راپور ورکړی چې د نوې ډیلي په کوربتوب د بریکس په غونډه کې به د افغانستان او پاکستان ترمنځ کړکېچونه وڅېړل سي.
د راپورونو له مخې، په دې غونډه کې ګډون کوونکي مشران او چارواکي به د سیمهییزو اړیکو او ننګونو تر څنګ د یو شمېر مهمو نړیوالو بدلونونو په اړه هم خبرې وکړي.
هندي رسنیو زیاته کړې چې د لوېدیځې اسیا وضعیت او همدارنګه د روسیې او اوکراین ترمنځ جګړه د دې غونډې د اجنډا له مهمو موضوعاتو څخه دي.
تمه کېږي چې د بریکس غونډې ګډونوال به ، پر سیمې او نړۍ د دغو بدلونونو د امنیتي، سیاسي او اقتصادي اغېزو په اړه د نظرونو تبادله هم وکړي.
