د متحده ايالاتو فدرالي چارواکو ، میرزا کتوازی، د افغانستان د ولسي جرګې پخوانی مرستیال، په واشنګټن ډي سي کې نیولی دی.
هغه په دې تورن سوی چې په تېرو کلونو کې یې د طالبانو اړوند د پام وړ نغدې پیسې او د سرو زرو بارونه څو هېوادونو ته، د عربي متحده اماراتو او ازبکستان په ګډون، لېږدولي دي.
باخبره سرچینې وايي چې د امریکا د امنیتي ادارو څېړنې د هغه پر پراخو اړیکو راڅرخي، په ځانګړي ډول د طالبانو له لوړپوړي مشر ، سراجالدین حقاني او د حقاني شبکې له غړو سره، او دا موضوع د قضیې یو مهم ټکی جوړوي.
په خپرو سویو اسنادو کې راغلي چې کتوازی سږکال د اوړي په موسم کې د امریکا له سفارت څخه په ابوظبي کې ځانګړې د کډوالۍ ویزه (SIV) ترلاسه کړې وه، چې عموماً هغو کسانو ته ورکول کېږي چې مخکې یې له امریکايي ادارو سره همکاري کړې وي.
