د معمار خبري آژانس د راپور له مخې، د بدخشان ولایت په مرکز فیضآباد ښار کې ، سیمه ایزې سرچینې وایي چې نعمتالله یفتلي، د جمهوریت د دورې د ملي اردو یو پخوانی افسر، تېر ماښام د ناپېژاندو وسلهوالو له خوا وژل سوی دی.
د سرچینو په وینا ، دغه پېښه د بدخشان ولایت په مرکز د فیضآباد ښار د دشتقرغ په سیمه کې رامنځته سوې ده.
د پېښې د څرنګوالي او د عاملینو د انګېزې په اړه تر اوسه بشپړ معلومات نه دي خپاره سوي.
سرچینې زیاتوي چې بریدکوونکي د ډزو وروسته له سیمې تښتېدلي او تر اوسه کومې ډلې یا کس د دې وژنې مسوولیت په غاړه نه دی اخيستی.
د طالبانو سيمهایزو چارواکو هم تر اوسه په رسمي ډول د دې پېښې په اړه څه نه دي ویلي، په داسي حال کې چی د سیمې اوسېدونکي د بشپړې څېړنې او د عاملینو د پېژندلو غوښتنه کوي.
