پدرو سانچز ،د اسپانیا لومړی وزیر په بارسلونا کې د برازیل له ولسمشر لوئیس ایناسیو لولا دا سیلوا او شاوخوا دولس نورو نړیوالو مشرانو کوربه وو.
په دې غونډه کې د کلودیا شینباوم، سیریل رامافوسا، ګوستاوو پترو او یاماندو اورسي هم ګډون درلود.
پدرو سانچز چې د اروپایي ټولنې په کچه د ډونالډ ټرمپ له سختو نیوکه کوونکو څخه ګڼل کېږي، هڅه کوي چې بارسلونا د ټرمپ د سیاستونو پر وړاندې د مقاومت مرکز او د کیڼ لاسو سیاسي خوځښتونو د بیا راژوندي کېدو محور معرفي کړي.
د غونډې ګډونوالو د هغه څه پر وړاندي چې «پر ایران نظامي برید» بلل سوی، او همدارنګه د امریکا د بهرني سیاست پر هغو کړنلارو چې د نړیوالو بنسټونو له چوکاټ څخه بهر ترسره کېږي، ګډ نظرونه لرل.
