په داسې حال کې چې د کابل او اسلامآباد ترمنځ شخړې زیاتې سوې، خبري سرچینې وايي چې د پاکستان حکومت یو شمېر مهمې سیاسي ډلې چې د طالبانو مخالفي دي، اسلامآباد ته بللي دي.
سرچینې زیاتوي چې د سیاسي مشرانو او د طالبانو مخالفو وسلهوالو ډلو ترمنځ غونډې ترسره سوي او په دې غونډو کې د پاکستان د بلنې په اړه بحث او سلا مشورې سوې دي.
د راپورونو له مخې، شونې ده چې یوه غونډه د طالبانو د مخالفو مهمو ډلو د استازو او د پخواني حکومت د چارواکو په ګډون د کوچنی اختر وروسته په اسلامآباد کې ترسره سي.
تر اوسه د دې غونډې د احتمالي ګډونوالو وروستی نوملړ خپور سوی نه دی او نه د پاکستان حکومت او نه هم د طالبانو مخالفینو د دې راپورونو په اړه کوم نظر نه دی څرګند کړي دي.
