د خبرپاڼې په بنسټ امیرخان متقي، د طالبانو د بهرنیو چارو وزیر، د دې وزارت له دیپلوماتانو سره په بېلابېلو هېوادونو کې لیدنه کړې او له خپلو سفیرانو او استازو یې غوښتي چې د پاکستان د هوایي بریدونو په اړه د طالبانو دریځ نړیوالو بنسټونو ته ورسوي.
د طالبانو د بهرنیو چارو وزیر دغه برید «د نړیوالو اصولو ښکاره سرغړونه» بللی او پر دې یی ټینګار کړی چې د طالبانو دریځ باید په نړیواله کچه څرګند سي.
په خبرپاڼه کې راغلي چې د دې پېښې په اړه د طالبانو د تګلارو او لیدلورو د تشریح کولو لپاره اړینې لارښوونې استازو ته په بهر کې ورکړل سوي دي.
طالبانو ادعا کړې چې په دې برید کې شاوخوا ۴۰۰ کسان وژل سوي، حال دا چې د ملګرو ملتونو بېلابېلو بنسټونو د دې پېښې د خپلواکو او شفافو څېړنو غوښتنه کړې ده.
