د طالبانو د بهرنیو چارو وزیر د روسیې له سفیر سره د دوه اړخیزو اړیکو پر پیاوړتیا ټینګار وکړ

د معمار خبري آژانس د راپور له مخې، امیرخان متقي، د طالبانو د بهرنیو چارو وزیر پرون په کابل کې د روسیې سفیر دیمیتري ژیرنوف سره وکتل او د دوه اړخیزو اړیکو پر موضوع یې خبرې وکړې. په دې لیدنه کې، د روسیې سفیر د مسکو په چوکاټ کې، د افغانستان د لومړی هیئت د ګډون هرکلی وکړ او د سیمې د اړیکو په پیاوړتیا کې ددې همکاریو مثبت رول ته اشاره وکړه. متقي هم د طالبانو غړیتوب په دې چوکاټ کې یو مهم ګام وګڼه او هیله یې څرګنده کړه چې دغه غونډې به د افغانستان او د سیمې نورو هیوادونو ترمنځ د باور په پیاوړتیا کې اغېزمنې وي.