د ملګرو ملتونو سرمنشي او د تاجیکستان ولسمشر د سیمې پر امنیت او افغانستان خبرې وکړې

د معمار خبري آژانس د راپور له مخې؛ انتونیو ګوترش، د ملګرو ملتونو سرمنشي، او امام علي رحمان، د تاجیکستان ولسمشر، په نیویارک کې د یوې لیدنې پر مهال د سیمې پر تحولاتو، په ځانګړي ډول د افغانستان پر وضعیت خبرې وکړې. د ملګرو ملتونو د خپرې سوې اعلامیې پر بنسټ، د دې خبرو اصلي موضوعات «اقلیمي بدلونونه، تروریزم او د مرکزي آسیا او افغانستان سیمه‌ییز بدلونونه» وو. سرمنشي په دې لیدنه کې د تاجیکستان له سیمه‌ییزو همکاریو څخه او همدارنګه د اقلیم او د طبیعي یخچالونو د ساتنې په برخه کې د تاجیکستان د مشرتابه ستاینه وکړه. ګوترش همدارنګه په مرکزي آسیا کې د سرحدي ستونزو د حل او سیمه‌ییزو همکاریو د پیاوړتیا په برخه کې د تاجیکستان پر مهم رول ټینګار وکړ.