طالبانو د ۱۵ ملیون څخه زیاتو الکترونیکي تذکرو د وېش اعلان وکړ

د طالبانو د احصایې او معلوماتو څانګې اعلان وکړ چې تر اوسه پورې له ۱۵ ملیون څخه زیاتو افغان اتباعو ته الکترونیکي تذکرې ورکړل شوي دي. د معمار پرس د خبر له مخې؛ د طالبانو د سرپرست حکومت د احصایې او معلوماتو څانګې اعلان کړی چې د برېښنايي تذکرو د وېش د پروسې له پیل راهیسې، په ټول افغانستان کې له ۱۵ ملیون څخه زیاتو خلکو ته دا تذکرې ورکړل شوي دي. واک ته له رسیدو وروسته، طالبانو اعلان وکړ چې دوی هڅه کوي د افغانستان د نفوسو یوه پراخه سرشمېرنه ترسره کړي. د برېښنايي تذکرو پراخه وېش د دې پروګرام یوه برخه ده.