د معمار خبري اژانس د راپور له مخې؛ طالبانو ته نږدې سرچینو ، د عبدالرحمن، چې په «حمزه» مشهور وو او د طالبانو قوماندانانو څخه وو د بدخشان په راغ ولسوالۍ کې د وژل کېدو خبر ورکړی.
د طالبانو د غړو او پلویانو لهخوا په خپرو سویو پیغامونو کې د عبدالرحمن حمزه مړینه تایید سوې او هغه ته یې د «شهید» نوم کارولی دی؛ خو دغو سرچینو د هغه د وژل کېدو د څرنګوالي په اړه جزیات نه دي ورکړي.
په همدې حال کې، یوې خپلواکې سیمه ییزې سرچینې ویلي چې عبدالرحمن حمزه د شپې شاوخوا ۱۱ بجې د شیخ عبدالخالق په نوم د یوه کس شخصي حریم ته تر ننوتلو وروسته په ډزو ویشتل سوی او وژل سوی دی.
د دې سرچینې په ادعا، د پېښې لامل د دغه طالب قوماندان لهخوا د ناروا اړیکې د جوړولو هڅه او تېری کول وو.
یادې سرچینې همداراز ادعا کړې چې عبدالرحمن حمزه هماغه کس و چې په ۱۴۰۲ کال کې یې د بدخشان د شیوې سیمې د عبدالحمید مجاهد او د هغه د ملګرو په ډزو ویشتلو کې ونډه لرله.
تر اوسه طالبانو د دې پېښې د جزیاتو او یا د سیمهییزې سرچینې لهخوا د مطرح سویو ادعاوو په اړه کوم غبرګون نه دی ښودلی.
