به گزارش خبرگزاری معمار؛ دفتر والی طالبان در بدخشان در خبرنامهای اعلام کرده است اتشه نظامی و سکرتر اول سفارت تاجیکستان در افغانستان با والی این گروه در ولایت بدخشان دیدار و درباره تقویت امنیت در مناطق مرزی گفتوگو کردهاند.
براساس این خبرنامه خورشید آدینهزاده، اتشه نظامی، و نظرعلی، سکرتر اول سفارت تاجیکستان در افغانستان، با هماهنگی ریاست خارجه این ولایت با محمداسماعیل غزنوی، والی طالبان در بدخشان دیدار کردهاند.
در این نشست، طرف تاجیک بر مدیریت مؤثر مرزها و تقویت امنیت در مناطق سرحدی تأکید کرده است. همچنان در این گفتوگوها موضوعاتی مانند گسترش روابط اقتصادی، ایجاد بازار مشترک و امکان بازگشایی قنسولگری تاجیکستان در بدخشان نیز مطرح شده است.
این دیدار در حالی صورت گرفته که کشورهای آسیای میانه، بهویژه تاجیکستان، پس از به قدرت رسیدن طالبان در افغانستان بارها نسبت به تهدیدهای امنیتی در مناطق مرزی ابراز نگرانی کردهاند.
مقامهای تاجیکستان پیشتر اعلام کرده بودند که با همکاری چین در بخشهایی از مرز مشترک با افغانستان تأسیسات نظامی ایجاد خواهند کرد.
در ماههای اخیر نیز گزارشهایی از کشته شدن چند شهروند چین در مناطق مرزی میان افغانستان و تاجیکستان منتشر شده که مقامهای تاجیکستان گفتهاند این حملات عمدتاً از خاک افغانستان انجام شده است.
همچنین رؤسای سازمانهای مرزی کشورهای مستقل مشترکالمنافع در نشست اخیر خود در شهر گلستان تاجیکستان، نسبت به پیامدهای وضعیت ناپایدار سیاسی، امنیتی و اقتصادی افغانستان بر امنیت مرزهای آسیای مرکزی ابراز نگرانی کردهاند.
