نهاد افغانستان عاری از پولیو اعلام کرده است که کارزار تازه تطبیق واکسین پولیو (فلج کودکان) در سراسر افغانستان آغاز شده است.
این نهاد روز دوشنبه، ۱۱ عقرب، از خانواده‌ها خواسته است تا با واکسین‌کردن کودکان‌شان، آنان را در برابر بیماری پولیو محافظت کنند.
به گفته این نهاد، کارزار واکسیناسیون در زون جنوب افغانستان روز سه‌شنبه، ۱۲ عقرب، آغاز خواهد شد.
نهاد افغانستان عاری از پولیو همواره بر واکسین‌کردن همه کودکان و ادامه تلاش‌ها برای ریشه‌کن‌سازی این بیماری تأکید کرده است.
افغانستان و پاکستان تنها کشورهای جهان‌اند که هنوز موارد ابتلا به ویروس وحشی پولیو در آن‌ها ثبت می‌شود. با وجود اجرای کارزارهای پی‌هم واکسیناسیون، این بیماری همچنان سلامت کودکان را در این دو کشور تهدید می‌کند.
