به گزارش خبرگزاری معمار؛ وزارت مالیه‌ی گروه طالبان خبر تأخیر در پرداخت معاش کارمندان دولتی را رد کرده و گفته است که این گزارش‌ها درست نیست.
این وزارت امروز (دوشنبه، ۴ عقرب) با نشر اعلامیه‌ای گفته است که «شایعات پیرامون تأخیر در پرداخت حقوق‌ها نادرست است».
وزارت مالیه‌ی طالبان گفته است که «ضمن تکذیب این شایعات، به شهروندان اطمینان می‌دهد که حقوق کارکنان محترم نهادهای دولتی، طبق روال معمول و بدون هیچ‌گونه مشکلی، به موقع پرداخت خواهد شد».
این در حالی است که منابع در ادارات دولتی تحت کنترل طالبان می‌گویند پرداخت معاش کارمندان دولتی «تا امر ثانی» معطل شده است.
