به گزارش خبرگزاری معمار؛ در تحولی جدید در روابط افغانستان و تاجیکستان، منابع خبری از موافقت دولت تاجیکستان با پذیرش یک دیپلمات طالبان در سفارت افغانستان در دوشنبه خبر دادند.
به گفته این منابع، وزارت خارجه تاجیکستان به «ظاهر اغبر»، سفیر افغانستان در دوشنبه، اطلاع داده است که باید امور سفارت را با دیپلمات اعزامی از سوی طالبان به صورت مشترک اداره کند.
این تصمیم در حالی اتخاذ می‌شود که پیش از این، سفارت افغانستان در دوشنبه از پذیرفتن مدیریت کابل برای این نمایندگی سیاسی خودداری کرده و امور خود را در هماهنگی با «امرالله صالح»، معاون اول رئیس‌جمهور پیشین پیش می‌برد.
تاکنون هیچ یک از طرفین یعنی دولت تاجیکستان یا طالبان به صورت رسمی به این موضوع واکنش نشان نداده‌اند.
گفتنی است که «ذبیح‌الله مجاهد»، سخنگوی حکومت طالبان، پیش از این در واکنش به نگرانی‌های امنیتی مقامات تاجیکستان، اطمینان داده بود که از خاک افغانستان تهدیدی متوجه کشورهای همسایه نخواهد شد.
این تصمیم تاجیکستان می‌تواند نشان‌دهنده گشایش جدیدی در روابط دو کشور باشد و زمینه را برای تعامل بیشتر بین دو طرف فراهم کند.
