به گزارش خبرگزاری معمار؛ وزارت خارجه طالبان اعلام کرده است امیرخان متقی، وزیر خارجه طالبان پس از درگیری اخیر در مرز افغانستان و تاجیکستان، با سراجالدین مهرالدین، وزیر امور خارجه تاجیکستان، تماس تلفنی داشته است؛ موضوعی که تا اکنون از سوی مقامهای تاجیکستان بهصورت رسمی تأیید نشده است.
به گزارش منابع خبری، امیرخان متقی در این گفتگوی تلفنی گفته است که پس از حادثه مرزی اخیر، یک «تحقیق جدی» در این زمینه آغاز شده است.
وزارت خارجه طالبان افزوده متقی در تماس با وزیر خارجه تاجیکستان درباره جلوگیری از تکرار چنین رویدادهایی و بر همکاری مشترک تأکید کرده است، هرچند وزارت خارجه طالبان جزئیات بیشتری در مورد زمان دقیق این تماس ارائه نکرده است.
این در حالی است که مقامهای تاجیکستان تاکنون این تماس را بهگونهٔ رسمی تأیید نکردهاند.
در درگیری اخیر، نیروهای مرزبانی تاجیکستان اعلام کردهاند که مهاجمان در منطقهٔ «بوغ» وارد خاک این کشور شده و قصد انجام حملهٔ مسلحانه را داشتهاند. به گفتهٔ مقامهای تاجیکی، در این رویداد یک افسر تاجیک و سه مهاجم کشته شدهاند.همچنین اعلام شده است که پس از درگیری، مقادیر زیادی سلاح و مهمات، شامل سه تفنگ M-16، یک کلاشینکف، سه قبضه تپانچه، ۱۰ نارنجک دستی، تجهیزات دید در شب و مواد انفجاری از مهاجمان ضبط شده است.
مقامهای تاجیکستان در واکنش به حادثهٔ اخیر، گروه طالبان را به «ناتوانی و بیمسئولیتی مکرر» در تأمین امنیت مرزها متهم کرده و خواستار عذرخواهی رسمی طالبان از مردم تاجیکستان و اتخاذ «اقدامات مؤثر اضافی برای تضمین امنیت مرزی» شدهاند.
