به گزارش خبرگزاری معمار؛ هیأتی از تاجیکستان به ریاست معاون ولایت ختلان در دیدار با حبیب‌الرحمن صهیب، معاون والی قندوز، اعلام کرده است که تاجیکستان به هیچ‌یک از مخالفان طالبان اجازه فعالیت در خاک خود را نمی‌دهد.
در این دیدار که به‌منظور بررسی همکاری‌های مرزی، امنیتی و تجاری میان دو کشور برگزار شده، اعضای هیأت تاجیکستان بر اهمیت تأمین امنیت مرزها و گسترش روابط دوجانبه میان دو کشور تأکید کرده‌اند.
به گفته‌ی مقام‌های محلی، طرفین همچنان در زمینه‌های همکاری اجتماعی، اقتصادی و تجاری نیز گفت‌وگو کرده‌اند.
در همین حال، حبیب‌الرحمن صهیب، معاون والی قندوز، در این دیدار گفته است که امارت اسلامی خواهان روابط نیک و مبتنی بر احترام متقابل با کشورهای همسایه، به‌ویژه تاجیکستان است و همکاری‌های منطقه‌ای را به سود ثبات و پیشرفت مشترک می‌داند.
