به گزارش خبرگزاری معمار؛ کمیته امنیت ملی تاجیکستان پس از کشتهشدن دو مرزبان این کشور در درگیری با «تروریستهای نفوذی از خاک افغانستان»، از طالبان خواست تا بهدلیل بیمسئولیتی در تأمین امنیت مرزها از مردم تاجیکستان عذرخواهی کند.
این کمیته در بیانیهای گفت: «طالبان در انجام تعهدات بینالمللی و وعدههای مداوم خود برای تأمین امنیت و ثبات در مرز با جمهوری تاجیکستان و مبارزه با اعضای سازمانهای تروریستی، بیمسئولیتی جدی و مکرر کرده است.»
کمیته امنیت ملی تاجیکستان تاکید کرد که امیدوار است اداره طالبان از از مردم تاجیکستان عذرخواهی کند و خواستار اقدام فوری طالبان برای تأمین امنیت مرزهای مشترک و جلوگیری از تکرار چنین رویدادهایی شده است.
به گفته مقامهای تاجیک، این درگیری روز چهارشنبه، سوم جدی، در مرز میان دو کشور رخ داده و در نتیجه آن دو مرزبان تاجیکی و سه عضو یک سازمان تروریستی کشته شدهاند.
