د پاکستان لهخوا د افغان مهاجرینو د ډلهيیز اخراج د دوام په تعقیب، کارپوهانو او د بشري حقونو فعالانو خبرداری ورکړی چې د استوګنې د اسانتیاوو او لومړنیو خدماتو د نشتوالي له امله د افغانستان په جنوبي پولو کې د یو پراخ انساني ناورین د رامنځته کېدو احتمال سته.
د افغان کډوالو د جبري ایستلو او ستنېدو لړۍ په دوام کې، د طالبانو رسمي سرچینو ویلي چې یوازې د تېرې یکشنبې په ورځ (د عقرب ۱۱مه)، له بېلابېلو پولو څخه له ۲۸۰۰ څخه زیاتې افغان کورنۍ هېواد ته ستنې سوې دي.
هغه زلزلې چې د دوشنبې په سهار د افغانستان شمالي ولایتونه ولړزول، د استوګنیزو او تاریخي ځایونو ترڅنګ، د مزار شریف آبی جومات ته یۍ هم درانه زیانونه اړولي دا جومات د هېواد له مهمو مذهبي او تاریخي بناوو څخه شمېرل کېږي.
د برشنا شرکت اعلان کړی د افغانستان په شمال کې د تېرې شپې زلزلې له امله د ازبکستان او تاجکستان وارداتي برېښنا مزي له مدار څخه وتلي او د هېواد په ګڼو سیمو، په ځانګړي ډول کابل کې، برېښنا پرې سوې ده.
د ایران اسلامي جمهوریت سفارت په کابل کې د یوې اعلامیې په خپرولو سره د افغانستان د شمال وروستي زلزلهځپلو، په ځانګړي ډول د سمنگان او بغلان ولایتونو له خلکو سره د خواخوږۍ څرګندونه کړې او ویلي یې دي چې اړینې بیړنۍ مرستې به د اغېزمنو سویو خلکو لپاره برابري سي.
د ملګرو ملتونو د کډوالو د عالي کمېشنر دفتر اعلان کړی چې ددې ادارې استازی په افغانستان کې او د چین سفیر په کابل کې د یوه کتنې پر مهال د هغو افغان مهاجرینو د ملاتړ لپاره پر نړیوالې همکارۍ ټینګار وکړ چې له ګاونډیو هېوادونو بېرته خپل هېواد ته راستانه کېږي.
د ملګرو ملتونو استازولۍ په افغانستان کې اعلان کړی چې د دې سازمان د بیړنیو مرستو ډلې د افغانستان شمال کې هغو سیمو ته استول سوې دي چې له وروستۍ زلزلې څخه سختې زیانمنې سوې دي، څو د خلکو اړتیاوې وارزوي او عاجلې مرستې ورسوي.
د طالبانو د صنعت او سوداګرۍ وزارت اعلان کړی چې له پاکستان سره د سوداګریزو اړیکو له پرې کېدو وروسته، هڅه کوي د افغانستان د اقتصادي تړلتیا د کمولو او د افغان سوداګرو لپاره د نوو فرصتونو د رامنځته کولو په هدف، د صادراتو لپاره نوي سیمهییز بازارونه او بدیلې لارې ومومي.
د افغانستان او پاکستان ترمنځ د تورخم دروازه له درېیو اوونیو زیاتې مودې راهیسې تړلې پاتې سوې ده، او په نتیجه کې یې سلګونه د مالونو بار موټرونه او مسافر په ډېر ستونزمن وضعیت کې بند پاتې دي.
د پاکستان د «ډان» ورځپاڼې په وینا، د افغانستان طالبان او د هغوی اړوندې ډلې، په ځانګړي ډول (TTP)، د سرحدي فعالیتونو له لارې د دواړو هېوادونو د امنیت وضعیت لا پسې پېچلی کړی دی.
د افغانستان لپاره د برتانیې سفارت د افغان خبریالانو د ملاتړ غوښتنه کړې او ویلي یې دي چې د بیان له آزادۍ او د خبریالانو له امنیت څخه به ملاتړ کوي.
