په کابل کې د طالبانو له خوا د ښځو او نجونو د توقیف په اړه غبرګون

په وروستیو ورځو کې په کابل کې د یو شمېر نجونو او ښځو نیول د “بد حجاب” په تور د فعالانو پراخ غبرګونونه راپارولي دي. په تېرو ورځو کې طالبانو د کابل ښار له بېلابېلو سیمو لسګونه ښځې او نجونې د “حجاب نه اغوستلو” په تور نیولي او له ځانه سره یې وړي دي. “د سولې او ازادۍ د ښځو غورځنګ” په کابل او غزني کې د “بد حجاب” په تور د یو شمېر ښځو او نجونو د پرله پسې نیول کېدو په غبرګون کې وايي چې د طالبانو دغه کړنه “غیر انساني او اسلامي” ده. دغه حرکت د یوې اعلامیې په خپرولو سره د طالبانو د ښځو ضد کړنو پر وړاندې د نارینه وو د یووالي او درېدو غوښتنه کړې ده.