د معمار وحدت د خبری آژانس د خبر له مخې؛ د طالبانو د کار او ټولنیزو چارو وزارت چارواکي وايي، چې د افغانستان په څېر په بې وزله هېواد کې اضافي دفترونو او کارکوونکو ته اړتیا نشته.
د دغه وزارت مرستیال مخدوم عبدالسلام سادات سمنګان ولایت ته د خپل سفر پر مهال وویل: اوس مهال ۸۰۰ زره دولتي کارکوونکو ته معاشونه ورکول کېږي، خو له تېرو حکومتونو څخه په دې اداره کې پاتې راغلي انفلاسیون د منلو وړ نه دی، ځکه چېرته چې یو کس ته اړتیا وي لس کسان هلته کار کوي.
د کار او ټولنیزو چارو په وزارت کې د طالبانو چارواکي د اداري انفلاسیون له امله د یو شمېر دولتي ادارو او د هغوی د کارکوونکو د ګوښه کولو په اړه خبري کوي، چې د هرې ورځې په تېرېدو سره په هېواد کې بې وزلي او بېکاري زیاتېږي.
