د معمار وحدت د خبری آژانس د خبر له مخې؛ د امریکا پخواني ولسمشر ډونالډ ټرمپ د دغه هېواد د راتلونکي کال ولسمشرۍ ټاکنو ته خپله نوماندي اعلان کړه.
هغه چي په فلوریډا کې په خپل شخصي ماڼۍ کې د وینا پر مهال وو زیاته کړه: “د امریکا د عظمت او جلال یو ځل بیا د راګرځولو په خاطر، زه د امریکا د ولسمشرۍ په ټاکنو کې خپله نوماندي اعلانوم.”
ټرمپ دوام ورکړ: “نو له دې شیبې څخه د 2024 کال د ټاکنو تر ورځې پورې به زه په داسې ډول مبارزه وکړم چې مخکې هیڅکله نه وه لیدل شوې. موږ به هغه کیڼ اړخي ډیموکراټانو ته ماتې ورکړو چې هڅه کوي زموږ هیواد له دننه څخه ویجاړ کړي.»
